Մեր մասին

  «Քոլսոն» երիտասարդական կենտրոնը քաղաքացիական հասարակության զարգացմանը միտված կազմակերպություն է Արարատ քաղաքում, հիմնադրվել է 2001 թվականին: Կենտրոնն իր գործունեությունը ծավալում է երեք հիմնական ծրագրային ուղղություններով՝ երիտասարդների և կանանց կարողությունների զարգացում, տեղական ինքնակառավարում և քաղաքացիական մասնակցայնության բարձրացում և մարդու իրավունքներ: 

    

 Կազմակերպության նպատակն է եղել համակարգչային եւ անգլերենի դասընթացների կազմակերպումը, ինչպես նաեւ համայնքի երիտասարդների հետաքրքիր ժամանցի ու քննարկումների համար նախատեսված հանդիպումների իրականացումը:Կենտրոնն աստիճանաբար ընդլայնել է շահառուների շրջանակը, ավելացել է գործունեության ուղղությունների թիվը:  Մինչեւ 2005 թվականի երիտասարդական կենտրոնը հրատարակել է «Քոլսոն» թերթը, որը քաղաքացիներին տեղեկացնում էր կազմակերպության գործունեության եւ ծրագրերի, ինչպես նաեւ Արարատ համայնքի խնդիրների մասին: Ավելի ուշ թերթը վերանվանվել է «Վերածնունդ», քանի որ կազմակեպության ուշադրության կենտրոնում է հայտնվել  քաղաքացիական ակտիվ մասնակցության միջոցով համայնքային զարգացումը:

   2007 թվականից «Քոլսոն» երիտասարդական կենտրոնը դարձել է Եվրասիա համագործակցություն հիմնադրամի «Երիտասարդական բանկեր» ծրագրի հյուրընկալող կազմակերպությունն Արարատում:

  2016 թվականից «Քոլսոն» երիտասարդական կենտրոնն իրականացնում է «Արարատ ինֆոՏուն» ծրագիրը, որի գործունեության հիմնական բնագավառներն են՝ համայնքի զարգացումը, երիտասարդների ակտիվության բարձրացումը, քաղաքացիական կրթությունը եւ սոցիալական ձեռներեցությունը:

 2021 թվականից Քոլսոն Երիտասարդական կազմակերպությունը Երևանում Շվեդիայի դեսպանատան և Եվրասիա Համագործակցություն հիմնադրամի աջակցությամբ իրականացնում է «Աջակցություն քաղաքացիական հասարակությանը՝ հանուն բարեփոխումների վրա ներգործության» ծրագիրը։