пятница, 24 февраля 2017 г.

ԿԱՐԾԵՍ ԹԵ ԶՈԴԻ ՆԿՈՒՂՆԵՐԻ ՀԱՐՑԸ ԼՈՒԾՎՈՒՄ Է․․․


  <<Մարդ չի կարողանում դուրս գալ մաքուր օդ շնչելու, որովհետև օդը համեմված է տհաճ բուրմունքներով>> ասում է Զոդի բնակչուհի Ս Մ-ն։ Բանն այն է, որ տարիներ շարունակ անձրևաջրերը, կոյուղաջրերը և խոնավությունն անպակաս են եղել Զոդի բանավանի բնակելի շենքերի նկուղներից։ Արարատի քաղաքապետ Հայկ Հայկյանը խնդրի մասին իր մտահոգությունն էր հայտնել 2016 թվականի դեկտեմբերի 21-ին Արտաշատում ՀՀ վարչապետ Կարեն Կարապետյանի հետ տեղի ունեցած հանդիպման ժամանակ։ Արդյունքում՝ ձեռք է բերվել նախնական պայմանավորվածություն  բնակելի շենքերի նկուղներից ջրի կուտակումների հեռացման նպատակով դրենաժային համակարգի կառուցման վերաբերյալ։ Ըստ այդ պայմանավորվածության համայնքապետարանը պետք է ունենա իր սեփական ներդրումը։

  Հարցը քննարկելու համար փետրվարի 17-ին տեղի ունեցավ Արարատ քաղաքի ավագանու արտահերթ նիստ։ Ավագանու միաձայն որոշմամբ համայնքի բյուջեյից 5 մլն դրամ կտրամադրվի փակ դրենաժային համակարգի նախագծման համար։ Արարատի ինֆոտունը խոստանում է  հետևել հարցի հետ կապված հետագա զարգացումներին և պարբերաբար տեղեկացնել

։

Комментариев нет:

Отправить комментарий