Համայնքային զարգացմանը
նպաստող գլխավոր գործոններից մեկը երիտասարդների ներգրավվածությունն է տեղական ինքնակառավարմանը:
Հանրության և տեղական ինքնակառավարման
մարմինների (ՏԻՄ) միջև համագործակցային հարաբերությունների զարգացման խթանումը
կօգնի բարձրացնել երիտասարդների ներգրավվածությունը
համայնքային կառավարման մեջ, որի արդյունքում հնարավոր կլինի նպաստել համայնքային խնդրիների բարձրաձայնման և դրանց լուծման արդյունավետ տարբերակների
ստեղծմանը:
Համագործակցության
այս մոտեցումը կիրառելու լավագույն եղանակներից
է հանրային քննարկումների և կարծիքի ուսումնասիրությունների կազմակերպումը երկու կողմերի
անմիջական մասնակցությամբ: Նման գործիքների կիրառումը ժողովրդավարության նոր փուլ թևակոխած
հասարակությանը
նաև հնարավորություն է ընձեռում
գործնականում դառնալ տեղի ունեցող փոփոխությունների ուղղակի մասնակիցը:
Հայաստանի Հանրապետությունում
որոշ համայնքներ արդեն պարբերաբար կազմակերպում են էլեկտրոնային քննարկումներ համայնքային
կայքերի պաշտոնական էջերում: Հատկանշական է նաև բնակչության մեծ հետաքրքրությունը և
մասնակցությունը այդ քննարկումներում: Արարատ քաղաքում այսպիսի փորձի ներդրումը վստահաբար
ՏԻՄ-ի և հանրության միջև հաղորդակցության ավելի արդյունավետ կազմակերպմանը և կառավարման
ներգրավածության բարձրացմանն ուղղված քայլ կլինի:
Comments
Post a Comment