среда, 17 октября 2018 г.

Հանրային մեդիա քննարկում: Ազգային փոքրամասնությունների ինտեգրման հնարավորություններն ու խոչընդոտները Արարատի մարզում


Սեպտեմբերի 26-ին ժամը 16:00-18:00 Արարատ Ինֆոտանը տեղի ունեցավ հանրային մեդիա քննարկում, որին իրենց ակտիվ մասնակցությունը ցուցաբերեցին ՀԿ-ների և ազգային փոքրամասնությունների ավելի քան 20 ներկայացուցիչներ: Բանախոսներ Հաջե Բաքոյանը և փոխմարզպետ Ռուստամ Բաքոյանը առանձնացրեցին եզդիական համայնքի համար կարևոր երկու խնդիրներ՝

       Երիտասարդ աղջիկների համար կրթության անհասանելիությունը և հասարակության մեջ կրթության դերի ցածր մակարդակը
2      Եզդիների քրդացման, ինքնության պահպանման և աղանդավորական շարժումների թիրախում հայտնվելու խնդիրը, ինչպես նաև կառավարության, մեդիայի և հայ հասարակության անտարբերությունը տվյալ խնդիրների նկատմամբ
Ասորական ազգային փոքրամասնությունը ներկայացնող երկու բանախոսներ Վերին Դվին համայնքի ղեկավար Լյուդմիլա Պետրովան և ասորական համայնքի հոգևոր հայր տեր Նիկադիմը առանձնացրին ևս երեք խնդիր.
1     Ընտրական օրենսգրքում փոփոխությունների անհրաժեշտություն, որով իրենք կընտրեն իրենց ներկայացուցչին ազգային ժողովում
2     Մշակութային արժեքների, ասորական եկեղեցիների պահպանման խնդիրը
3      Ասորի երիտասարդների ինտեգրումը հայ հանրությանը, որը հնարավոր է կարգավորել նրանց ակտիվությունը և մասնակցայնությունը խրախուսելու միջոցով (դասընթացների կազմակերպում, կամավորական աշխատանքներում ներգրավվելու միջոցով)
Երկու համայնքների ներկայացուցիչներն էլ նշեցին, որ դպրոցում դասավանդվող հայոց եկեղեցու պատմություն առարկան կցանկանան տեսնել ընտրովի առարկաների ցանկում, և իրենց հնարավորություն կտրվի նաև ընտրելու եզդիական կրոնի կամ ասորական եկեղեցու պատմությանը վերաբերվող դասերը: Առաջարկ ներակայացվեց այդ առարկայի դասերում ներառել բոլոր եկեղեցիների և կրոնների մասին թեմաներ, մի գուցե ավելի խորացված ուսումնասիրելով հայ առաքելական եկեղեցին:



Комментариев нет:

Отправить комментарий